Madi & Johan Nel

November 13, 2015Maretha Brink

Pragtige aardse troue

Seremonie: Die ou Kelder | Onthaal: Hoof lokaal

Ons verlowing storie:

Ons het verloof geraak na 8 jaar saam. Hy het my Bloubergstrand toe gevat (die weer was nie wonderlik nie, so dit was weird). Ons het bietjie op die strand gestap en ewe skielik het 'Eye Of The Tiger' begin speel op speakers wat hy gereël het. Die liedjie is 'n inside joke tussen ons, so dit was baie spesiaal. Ek was baie deurmekaar oor wat aangaan, en eers toe sy nefie aangehardloop kom met die ring het ek besef wat gebeur. Dit was 'n great dag.

Ons verskil as dit kom by…..

Johan het die wêreldse geduld met enige iemand of iets. Ek nie.

Ons is eenders as dit kom by…..

Die waarde wat ons heg aan familie en vriende.

Die sukses in ons huwelik is……

Respek. En ons gun mekaar tyd op ons eie, dat elkeen sy eie ding doen. Dis belangrik.

Indien jy jou troue oor moes beplan, waaraan sou jy meer tyd spandeer?

Slaap!

Waaraan sou jy minder tyd spandeer?

Ek sou dalk meer werk vir ander mense uitgedeel het. Ek het basies alles self gedoen - reëlings, stationery, blomme, tafels... Ek het selfs die servette gestik!

As jy terug dink aan jul spesiale dag dan dink jy aan……

Ons first dance was vir my baie spesiaal - dit het regtig gevoel asof dit net ons twee in die saal was. Ek dink ook aan toe my pa my die eerste keer sien voor die seremonie. In plaas van sê "jy lyk mooi" (soos mens sal verwag), het hy gevra "hoe lyk ek?" en toe was sy baadjie se knope heeltemal skeef vasgemaak. Toe kon ons nie ophou lag nie!