Seremonie: Die ou Kelder | Onthaal: Hoof lokaal

Ons verlowing storie ?
Ons was Paternoster toe met ons 1 jaar van uitgaan, dit was vreeslik lekker , ons het besluit om dit sommer ‘n jaarlikse instelling te maak. Met jaar 2 het Deon Saterdag 31 Mei 2014 met sonsondergang my hand gevat om ‘n entjie te gaan stap op die strand. Dit was nogals koud en hy het die kans gehad om ‘n “message in a bottle” onder sy baadjie weg te steek. Toe ek weg kyk nadat ons ‘n entjie al gestap het het hy die bottel uitgehaal en gesê hy’t dit opgetel en ek moet lees wat daarin staan. Ekt die hele briefie hardop gelees en op die einde het dit gelees “en…” toe vra hy die groot vraag op sy knie. Ons het ‘n klein botteltjie sjampagne gedrink, vir mekaar ‘n briefie geskryf en die botteltjie met briefies daarin die volgende oggend in die see gaan gooi.

2. Ons verskil as dit kom by…..

Besluite maak. Deon is baie impulsief en ek weer baie analities, maar ‘n “perfect match”.

3. Ons is eenders as dit kom by…..

Ons waardes en beginsels.

4. Die sukses in ons huwelik is……

Om God altyd eerste te stel en lief te wees vir mekaar nes ons is.

5. Indien jy jou troue oor moes beplan, waaraan sou jy meer tyd spandeer?

Niks nie. Soos genoem is ek baie analities en probeer aan als dink, in my opinie was als was perfek.

6. Waaraan sou jy minder tyd spandeer?

As ek baie geld gehad het sou ek als wat ons gemaak het laat maak het, en nie vir my Ma en skoonma so baie werk gegee het nie.

7. As jy terug dink aan jul spesiale dag dan dink jy aan……

Die geseende gevoel om al my vriende en familie saam met my onder een dak te kon he al my drome het net daar waar geword.