Seremonie: Outside Chapel (Gazebo) | Onthaal: Hoof lokaal

1. Ons troudag raad aan toekomstige paartjies…….

Ek weet julle het dit al baie gehoor, maar die dag gaan regtig vinnig verby. Probeer om soveel as moontlik "in the moment" te wees om seker te maak jy neem alles in, voor jy jou oë uitvee is julle getroud en besig om jul laaste gaste te groet. Die ander raad wat ek kan gee is om te "invest" in ‘n "on the day" trou koördineerder - dis verseker die beste ding wat jy kan doen, hulle sorg dat alles presies is soos jy dit wil hê op die dag van jou troue, sodat jy oor niks hoef te "worry" nie en jy elke oomblik kan in neem en volkome geniet. Ek stel ook voor dat jy ‘n week voor die troue afsprake maak met al jou verskaffers om vir oulaas deur alles te gaan om seker te maak almal is op dieselfde bladsy, jy sal dan verseker baie meer gerus voel die week voor jou troue.

2. Indien jy jou troue oor moes beplan, waaraan sou jy meer tyd spandeer?

Ek het my troue self beplan, en dit uit ‘n ander provinsie (Bloemfontein, Vrystaat) in 10 maande. Ek moet sê ek het myself verras. Ek sal niks verander nie, alles was presies soos ons dit wou hê. Perfek!

3. Waaraan sou jy minder tyd spandeer?

Ek sou niks verander of minder tyd aan spandeer nie. Soos ek genoem het, ek het presies al my bogenoemde raad gevolg so ek was seker een van die rustigste bruide op die dag van ons troue.

4. As jy terug dink aan jul spesiale dag dan dink jy aan……

Ek dink terug aan die oomblik toe ek in die "Aisle" afgeloop het, my man se gesig toe hy my vir die eerste keer sien in my trourok was "priceless", beslis een van die beste oomblikke vir my. Ek het nie verwag dat hy so emosioneel gaan wees nie, maar dit het net weereens sy oneindige liefde vir my bevestig. Die ander oomblik was toe ek met my pa ons pa en dogter dans kon hê, hy was 8 jaar terug in ‘n ernstige motor-ongeluk wat hom in ‘n rolstoel agter gelaat het. Om hom daar te kon hê was ‘n BLESSING, dankie aan ons Groot Pappa (GOD) dat hy my pa gespaar het om sy enigste dogter te kon sien trou met die man van haar drome.