Nadia & Braam Basson
Maretha Brink
Sagte pastel troue
Seremonie : Buitelug kapel: (Gazebo) | Onthaal : Hoof lokaal
Ons verlowing storie ?
Ons het verloof geraak in januarie 2014. Braam (my man) het vir ons kaartjies gekoop vir die kabelkarretjie tot op tafelberg. Ons het bo eers so entjie gestap en toe kom ons af op n piekniek plekkie wat spesiaal vir ons voorberei is, met vonkelwyn glasies en eetgoedjies. Min het ek geweet dat Braam met my broer en sy meisie gereel het om solank als vir ons voor te berei. Die groot oomblik het aangebreek waar Braam op sy knie gegaan het met die ja woord. Daarna het my broer en sy meisie die nuus saam met ons gevier terwyl ons die sonsondergang saam geniet het. By die huis het daar n klomp vriende vir ons gewag en die res van die aand saam ons verlowing gevier.
Ons verskil as dit kom by…..
Sjoe...nou dat ek daaraan dink, ons dink baie dieselfde...ons sukkel wel om soms tot n besluit te kom oor dinge omrede ons albei wil ten alle tye die ander een in ag neem.
Ons is eenders as dit kom by…..
Lekker kos maak, tyd saam met vriende en familie spandeer asook finansies.
Die sukses in ons huwelik is……
kommunikasie, ons maak altyd tyd om lekker te gesels en op datum te bly van wat in elkeen se lewens aan gaan.
Indien jy jou troue oor moes beplan, waaraan sou jy meer tyd spandeer?
Ek sou meer tyd spandeer om 'n rok te kies. Ek is iemand wat iets so vinnig moontlik wil afhandel en soms is dit nie altyd die beste nie. Ek het by een plek rokke gaan aanpas en daar het ek my trourok gekies, eks steeds mal oor my rok keuse maar sou baie graag meer wou aanpas (maar ek was te bang die ene word uitverkoop) :)
Waaraan sou jy minder tyd spandeer?
Die konfetti...ons het ons konfetti als met die hand uitgedruk, want ons wou spesifieke kleure he...so ons het ons hande vol gehad met die gaatjiedrukkers, en dit als vir 'n paar sekondes (maar ek is bly ons het ons skakerings van blou/navy en cream konfetti gehad)
As jy terug dink aan jul spesiale dag dan dink jy aan……
Die reen...sommige sien dit as slegte weer en sommige sien dit as 'n blessing, ons het elke oomblik van ons dag geniet met reen en al en ons glo die reen was 'n blessing van Bo.
Nadia & Braam het vir hulle gaste gevra om vir hulle wyse woorde neer te skryf asook om vir hulle n Bybel versie te onderstreep wat hulle saam kan neem op hul lewensreis vorentoe.
Nadia voel dat niks haar spesiale dag sou kon bederf nie!
Verskaffers:
Venue: Groenrivier
Fotograaf: Christene de coning
Tafels & beligting: Goeters
DJ: Compact sound
Catering: Malita Joubert
Dekor: Braam, Nadia, familie & vriende
Stationery: Braam ,Nadia & familie & vriende
Blomme: Braam ,Nadia & familie & vriende (verskaf deur Moondrops)
Servette: Function hiring for you