Anneke & Stefan

March 21, 2016Maretha Brink

Seremonie: Riebeek-Kasteel NG Kerk | Onthaal: Hoof lokaal

1. Ons verlowing storie ?

Stefan is vreeslik romanties, en het die perfekte oomblik beplan. Hys mal oor die see en duik en vang gereeld vis. Op sy verjaarsdag in 2014 was ons in Pringlebaai. Ons het die oggend gaan duik en n fotograaf het stil-stil elke oomblik vir ons vas gevang. Na so 20min toe klim ons uit die koue water en ek gaan lê bietjie op die strand om warm te raak. Hy gaan haal toe "snacks" vir ons in die kar. (Eintlik was dit net n groot coolbox met n blink ringetjie in) Toe ek opstaan om my handdoek vinnig reg te skuif....toe sak stefan op sy knie voor my, met die mooiste see skulp met n blink ring daarin. Sy woorde aan my, was die mooiste melodie, nie dat ek veel kan onthou nie want die oomblik was veels te groot! haha. Die trane het gevloei en dit is toe dat ek die lang lens van die fotograaf sien wat agter die rotse skuil en ons oomblik virewig vaslê!

2. Ons verskil as dit kom by

My honde!!! Ek sê hulle mag op die banke en beddens want dit is ook mense, nie honde nie...maar stefan voel anders ;)

3. Ons is eenders as dit kom by…..

Ons opvoeding. Baie van ons morele waardes en reëls wat ons het is dieselfde want ons altwee is groot gemaak deur streng ouers.

4. Die sukses in ons huwelik is……

om nooit iets weg te steek vir mekaar nie en ALTYD mekaar eerste te stel, maak nie saak wat nie.

5. Indien jy jou troue oor moes beplan, waaraan sou jy meer tyd spandeer?

Om meer familie fotos te neem, almal het so vinnig na kerk uit mekaar gespat dat ons nie regtig genoeg geneem het saam met al die familie nie.

6. Waaraan sou jy minder tyd spandeer?

Ek het nie eintlik iets wat ek op tyd gemors het nie. Ek was verbasend nogal heel rustig op my grootdag!

7. As jy terug dink aan jul spesiale dag dan dink jy aan……

Hoe baie ons gedans het en hoe lekker almal geeet het.